Treasure18嘅誕生

想買繁體中文圖書一定係去台灣，因為又平又多選擇，我初時都係咁諗，所以第一次同小朋友去台灣旅行時，就同好多人一樣拖住個大旅行喼，諗住去掃貨。點知未出發個喼已經放滿咗一半細路嘢，我心諗唔緊要，都仲有半個喼，可以買到唔少圖書，點知去到台灣先知自己諗得太天真了。

台灣係好多父母暑假旅行嘅首選地方，因為有好多Playhouse、公園和親子餐廳可以俾小朋友放電。一落機小朋友就話要去Playhouse玩，作為父母去旅行都係想小朋友玩得開心，所以我即刻應承去玩，點知一去就連續去咗幾日……好唔容易終於搵到半日可以去行書店街，點知行第一間睇唔夠半個鐘，小朋友就嘈住話好悶要去公園玩，然後就喺書店四圍走，為咗唔好煩到其他人，我哋最後只能以極速買咗唔夠10本繪本，就乖乖哋繼續去放電。雖然戰果不似預期，但好彩唔係買得好多繪本，因為執嘢返香港時先發覺全喼已經放爆咗手信、肉乾和鳳梨酥，就係咁拖住個勁重嘅大旅行喼返香港。

返到香港行書店，想搵返嗰啲喺台灣望過吓又無買嘅繪本，但係發覺又貴又唔齊款。之後諗住台灣網購，但計返運費其實平唔到香港幾多。雖然最後都係買到心水嘅繪本，但係又貴又麻煩，身邊朋友知道我識網購台灣繪本，就成日托我買書，就係咁開始咗喺Facebook做代購，後來因為反應幾好就創立咗Treasure18.com，希望方便大家購買心水嘅圖書。

Treasure18的理念

Treasure有小孩、寶貝的意思，Treasure18名字的意思就是希望每個父母心中的寶貝於18歲成為大人前都可以健康快樂成長。為了小孩能健康快樂成長，我們搜羅的產品都是最安全最優質的，希望為小孩帶來驚喜和樂趣。我們亦希望香港父母能夠以簡單方便的方式就可以購買到款式齊全的圖書，所以今後我們不斷會有最新的圖書教具和最受歡迎的圖書品牌帶給各位香港父母。

我們深信與客戶保持良好溝通是邁向成功的基石，我們誠意為您開闢更多溝通渠道。若你需要進一步瞭解有關本店的服務資料或對我們有任何建議，歡迎以下列方式與我們聯絡，我們樂意聽取你的意見，為您提供更完善的服務。

WhatsApp: 9168 7638
Email: shopping@treasure18.com
Facebook: Treasure18baby